ಈ ಬಾರಿಯ ಐಪಿಎಲ್ನಲ್ಲಿ ರೋಬೋಟ್ ನಾಯಿ ವಿಶೇಷ ಆಕರ್ಷಣೆಯಾಗಿದೆ. ಪಂದ್ಯದ ಟಾಸ್ ಸಮಯದಲ್ಲಿ ಮೈದಾನದಲ್ಲಿ ಕಾಣಿಸಿಕೊಳ್ಳುವ ಇದು ಆಟಗಾರರು ಸೇರಿದಂತೆ ಪ್ರೇಕ್ಷಕರನ್ನು ರಂಜಿಸುತ್ತಿದೆ. ಆಟಗಾರರ ಬಳಿಗೆ ತೆರಳಿ ಅವರ ಕೈಕುಲುಕುವುದು, ನೃತ್ಯ ಮಾಡುವ ಮೂಲಕ ಗಮನ ಸೆಳೆಯುತ್ತಿದೆ.
ಈ ರೋಬೋ ಡಾಗ್ನ ವರ್ತನೆಯನ್ನು ಜನರು ಉತ್ಸಾಹದಿಂದ ನೋಡುತ್ತಿದ್ದಾರೆ. ಹಲವಾರು ತಂಡಗಳ ಆಟಗಾರರು ಈ ರೋಬೋಟ್ ಡಾಗ್ನೊಂದಿಗೆ ಮೋಜು ಮಾಡುತ್ತಿರುವ ವೀಡಿಯೊಗಳು ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಭಾನುವಾರ ಮುಂಬೈ-ಚೆನ್ನೈ ಪಂದ್ಯ ಆರಂಭಕ್ಕೂ ಮುನ್ನ ರೋಬೋ ಡಾಗ್ಗೆ ನಾಮಕರಣ ಮಾಡಲಾಗಿದ್ದು ಹೆಸರನ್ನು ರಿವೀಲ್ ಮಾಡಲಾಗಿದೆ.
ರೋಬೋ ಡಾಗ್ಗೆ ‘ಚಂಪಕ್’ ಎಂದು ಹೆಸರಿಡಲಾಗಿದೆ. ಈ ಬಗ್ಗೆ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಅಧಿಕೃತ ಎಕ್ಸ್ ಖಾತೆಯಲ್ಲಿ ಘೋಷಣೆ ಮಾಡಲಾಗಿದೆ. ಇತ್ತೀಚಿನ ಸಮೀಕ್ಷೆಯಲ್ಲಿ ಹೆಚ್ಚಿನ ಪ್ರೇಕ್ಷಕರ ಮತಗಳ ಆಧಾರದ ಮೇಲೆ ರೋಬೋಟ್ ನಾಯಿಗೆ ಚಂಪಕ್ ಎಂದು ಹೆಸರಿಸಲಾಗಿದೆ ಎಂದು ಐಪಿಎಲ್‌ನ ‘ಎಕ್ಸ್’ (ಟ್ವಿಟರ್) ಖಾತೆಯಲ್ಲಿ ಘೋಷಿಸಿದೆ. ಪೋಸ್ಟ್ನಲ್ಲಿ ಮೀಟ್ ‘ಚಂಪಕ್’ ಎಂದು ಬರೆಯಲಾಗಿದೆ.