ನವದೆಹಲಿ: ಯುಎಸ್ ಔಷಧ ತಯಾರಕ ಎಲಿ ಲಿಲ್ಲಿ & ಕಂಪನಿ ಗುರುವಾರ ತನ್ನ ಬೊಜ್ಜು ವಿರೋಧಿ ಔಷಧಿ ಮೌಂಜಾರೊವನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಅಂದ ಹಾಗೇ ಬೊಜ್ಜಿಗಾಗಿ ಇದು ದೇಶದ ಮೊದಲ ಚಿಕಿತ್ಸೆಯಾಗಿದೆ,.ಇದು ಮಾಸಿಕ 14,000 ರಿಂದ 17,500 ರ ನಿಗದಿ ಮಾಡಲಾಗಿದೆ ಎನ್ನಲಾಗಗಿದೆ. ಆದಾಗ್ಯೂ, ಹೊಸ ಔಷಧವು ಶೀಘ್ರದಲ್ಲೇ ಸ್ಪರ್ಧೆಯನ್ನು ಎದುರಿಸಲಿದೆ, ಇತರ ವಿದೇಶಿ ಔಷಧೀಯ ಕಂಪನಿಗಳು ಬೆಳೆಯುತ್ತಿರುವ ಮಾರುಕಟ್ಟೆಯಲ್ಲಿ ಇದೇ ರೀತಿಯ ಉತ್ಪನ್ನಗಳನ್ನು ಪರಿಚಯಿಸಲು ಯೋಜಿಸುತ್ತಿವೆ ಕೂಡ.

ಮೌಂಜಾರೊ 2.5 ಮಿಗ್ರಾಂ ಮತ್ತು 5 ಮಿಗ್ರಾಂ ಬಾಟಲುಗಳ ಬೆಲೆ ಭಾರತದಲ್ಲಿ ಕ್ರಮವಾಗಿ 3,500 ಮತ್ತು 4,375 ರೂ ಆಗಿದೆ. ಬೊಜ್ಜು ಮತ್ತು ಟೈಪ್ -2 ಮಧುಮೇಹಕ್ಕೆ ಚಿಕಿತ್ಸೆ ನೀಡಲು ಬಳಸುವ ಚುಚ್ಚುಮದ್ದಿನ ಔಷಧಿಯನ್ನು ವಾರಕ್ಕೊಮ್ಮೆ ತೆಗೆದುಕೊಳ್ಳಬೇಕು

ಯುಎಸ್ನಲ್ಲಿ ತಿಂಗಳಿಗೆ ಸುಮಾರು 1,000 ಡಾಲರ್ (86,315 ರೂ.) ವೆಚ್ಚದ ಈ ಔಷಧಿಯನ್ನು ಭಾರತದಲ್ಲಿ ಸ್ಪರ್ಧಾತ್ಮಕವಾಗಿ ಬೆಲೆ ನಿಗದಿಪಡಿಸುವುದಾಗಿ ಕಂಪನಿಯು ಈ ಹಿಂದೆ ಹೇಳಿತ್ತು. “ಇದು ಭಾರತ-ನಿರ್ದಿಷ್ಟ ಬೆಲೆಯು ದೇಶದಲ್ಲಿ ನವೀನ ಚಿಕಿತ್ಸೆಗಳಿಗೆ ಪ್ರವೇಶವನ್ನು ವಿಸ್ತರಿಸುವ ಲಿಲ್ಲಿಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ” ಎಂದು ಕಂಪನಿ ಗುರುವಾರ ಹೇಳಿದೆ.